馬蘭頭百頁卷

雖然唔係上海人，但極愛吃上海菜。這道涼菜是我至愛之一，每逢經過銅鑼灣，必定走一趟買回來做這個涼菜的。以前係十幾歲嘅時候，在土瓜灣落山道吃得最多上海菜，那些店是上海人開的，很多上海人幫趁。係幾年前再去睇下間鋪頭仲有無，結果係有，但人就唔同了，感覺也不同了，那份感覺只能留在回憶裡。

馬蘭頭百頁卷食譜

材料:
        馬蘭頭      半斤
        百頁          兩張
        梳打粉      1/4 茶匙(煮百頁)

調味:  
        鹽，雞粉及麻油     適量

做法:
        百頁放入已加梳打粉的滾水內以慢火煮片刻，取出沖水瀝乾備用。
 
        馬蘭頭洗淨，放入鍋中滾水內輕焯，然後取出用涷滾水過冷河。

        輕輕榨乾馬蘭頭的水份，然後切碎及加入調味拌勻成餡料。

 組合:
         將兩張百頁重疊，然後放入馬蘭頭餡料緊緊卷實。

         享用前將馬蘭頭卷切成車輪圈狀上碟便可享用。

  心得
          馬蘭頭香氣獨特，若不做百頁卷，亦可單獨將馬蘭頭上碟做涼拌前菜的。